Jump to content


Photo

مرور المحلة الكبرى


  • Please log in to reply
14 replies to this topic

#1 antaka

antaka

    عضو نشط

  • عضو نشط
  • PipPipPip
  • 113 posts

Posted 11 September 2009 - 05:36 PM

بســم الله الـرحمــن الرحيــم

اخوانى :اكتب اليكم ماساة اعيشها ويعيشها كل من يعيش بارض المحلة الكبرى انا فرد امتلك سيارة اجرة بمدينة المحلة الكبرىلا اتحدث عن اصحاب السيارات الملاكى لان اكيد ليهم من يسندهم بالمرور وبالمخالفات المرورية انا اتكلم عن الطبقة التى تعيش وراء رزقها وهو السيارات الاجرةكثير من الناس تظلم السيارات السرفيس ولا يعرفون الحقيقة المرة التى يعيش فيها اصحاب هذة السيارات وهذا قسم منى امام الله:ان كل صاحب سيارة سرفيس بالمحلة برى مما يجرى من انتهاك لحق المواطن بالمحلة تعال معى لتعرف الحقيقةاولا اخى الكريم هل تعلم ان عدد العساكر بالمحلة الكبرى اتكلم على عسكرى المرور يتعدى 50 عسكرى لماذا هل تعتقد لتنظيم المرور واى مناطق تحتاج كل هذا العدد هؤلااء يمسكون دفاتر لا يعرف ان كل ورقة فى هذا الدفتر وحق الله سوف يسال عنها امام الله كم ظلم من ناس وكم ظلم اصحاب سيارات وكم الله يكون بعونة يوم العرض علية هؤلااء ليس بهم قلوب على كل صاحب سيارة كا اول شهر ان يجهز 50 جنية لكل عسكرى هذا اتاوة مفروضة على رقبتك وان لم تدفع الله على المخالفات ولاكن قلنا الحمد لله لسة فية نيابة المرور ذهبنا الى المحكمة وتقدمت لشباك المخالفات طلب منى بطاقتى واعطانى المخالفات اجمالى المخالفات 7500جنية ركنت على الحائط ومسكت راسى فقال لى شخص مالك قلتلة قلى يا راجل مصيبتك هينة انا جيلى 15000الف جنية قلتلة سيبها لله رئيس النيابة هينصرنا تقدمت لمكتب رئيس النيابة وجدت ورقة مكتوب عليها مقابلة رئيس النيابة يوم الاحد والاربعاء فقط
وكان اليوم الذى ذهبت فية يوم الاربعاء لحسن حظى بعد ما كان طول الاسبوع تقدر ان تدخل الية وحق الله كان فى سنة من السنين موجود رئيس نيابة اسمة محمد الشربينى هذا الانسان كان لا يدخل الية صاحب سيارة او سائق ويردة خالى اليدين ابدنكان يساعدنا لانة كان يعلم الظلم الذى يقع عليناالمهم دخلت لرئيس النيابة واقسم بربى وانا صائم هذا حدث هذة هى المقابلة نعم:سيدتك انا مش جى اخفض :رئيس النيابة دة اخر تخفيض:قلتلة سيدتك المخالفات كبيرة جدن:انا مش عايز اخفض لاكن فية مخالفات مش باسمى باسم شخص تانى:اعملك اية يعنى روح ادفعهم سيدتك مش باسمى يعنى مش نمرة عربيتك عليهم ايوة خلاص تبقى بتعتك قلت هقول اية بس لا حول ولا قوة لى الا بك يا رب

تعال وانظر عند تجديد السيارةوكم الاستعباد والتعب فى مرور المحلة الغير منظم بالمرة
ولو اردت ان تذهب الى رئيس مرور المحلة لا تقدر ان تجد مساعدة منه ابدن الا لو كنت ابن شخص مهم اما لو كنت فقير طبعنا انتم عرفين

تعال وانظر معاملة ظابط المرور بالشارع من سب واهانة رغم والله اكثر السائقين متعلمين الانولو وجدت القليل من الجهال
ولاكن لا يهمك لو كنت تدفع كل شهر 10 جنية لرئيس الدورية او لامناء الشرطة فلا تخف لانة هو الذى يسلم رخصة العربية للظابط بس اوعى تنسى الشهرية

نداء الى المسؤل عن هذة المهزلة :نحن شباب الاان واعى ويتمنا الخير لبلدة لان وحق الله مهما نسافر الى اجمل بلااد العالم نحن الى مصر والله نحبها اتمنا ان تحبونالا نطلب منكم غير ان تساعدونا وحق الله نعانى من غلو قطع غيار السيارات ونعانى من غلوا الجاز ونعانى من غلو اطارات السارة وغوا الزيت

واصبح علينا ضرائب على سيارتنا التى كانت معفوة من الضرائب اصبحنا نضحك على انفسنا اننا اصحاب سيارات حتى لا نلجا لاشياء ليس فى اخلاقنا ولا تربيتنا نريد فقط ان نعيش لا نريد اشياء اخرى نريد ان نربى اولاادنا


#2 أحمد المحلاوي

أحمد المحلاوي

    عضو جديد

  • عضو
  • Pip
  • 29 posts
  • Location:المحلة الكبرى (أكبر مدن الدلتا)

Posted 12 September 2009 - 11:36 PM

هو أنا كمواطن عادي ملاحظ أن عساكر وضباط المرور متجمعين كلهم في الشون غير كدة ممكن سعات تلاقي واحد عند بنزايون كدة وواحد سعات عند قسم أول يعني من الأخر كلهم في شارع البحر وسايبين بقيت البلد تماماً .
مثلاً شارع نعمان الأعصر(أو العباسي الجديد) متساب تماما وأتملى تكاتك بتمشي في الأتجاه اللي يعجبها حتى لو شالت الناس مش مشكلة.
دوران محب وتقاطع شكري مع الجلاء لازم كل لما أعدي من هناك ألاقي العربيات مش عارفة تعدي من بعض داخلين في بعض زي السلطة ومافيش ولا أشارة ولا عسكري ولا أي حاجة.

وغير كدة كتييييير ,أنا بتهيألي هو المفروض يسموه مرور الشون مش مرور المحلة. يعني هما مش بس عساكرهم بتبلطج زي ما حضرتك بتقول لأ ده كمان قيادتهم مش شاغلين دماغهم بأي حاجة وسايبين العملية سلطة.

Posted Image

أنا محلاوي فلازم أشجع غزل المحلة حتى لو كان ماكسبش الدوري غير مرة واحدة زي ما بشجع منتخب مصر لأني مصري رغم أنه ماطلعش كاس العالم غير مرتين مش معقولة أسيب مصر وأشجع الكاميرون !!!!!!!!!!!!!!!!!!


#3 Samarrr

Samarrr

    عضو فعال

  • عضو نشط
  • PipPipPipPipPip
  • 1,334 posts
  • Gender:Female
  • Location:UAE
  • Interests:Reading , singing and playing music .

Posted 14 September 2009 - 06:27 PM

لا حول ولا قوة إلا بالله .. والله انا حزينة اني الاقي كلام زي دة بيحصل ..
ربنا يكون في عونكوا وعون كل مظلوم ..






#4 محلاوي فاهم

محلاوي فاهم

    عضو جديد

  • عضو
  • Pip
  • 4 posts

Posted 19 January 2010 - 06:58 AM

حسستني ان سائق السرفيس ملاك نزل من السماء
يا اخي اتق الله شوية انت بتتعامل مع ناس بتركب السرفيس كل يوم
يارجل ثلاث ارباع سواقين الميكروباص حثالة
لو قلتلك على الموافق اللى حصلتلي معاهم شعركم هيشيب منها
قلة أدب وسفالة وبلطجة ووقاحة ولو مش عاجبك انزل اركب تاكسي
السواق من دول تكون رخصته من الزراعة لنادي الشرطة يشتغل من الزراعة للبندر ومن البندر للشون ومن الشون للششتاوي (علشان الحق لما يكون في زحمة لكن لما مش يكون زحمة يحمل الزراعة ههههه) وهكذا
تقدر تنكر الكلام ده؟
تقدر تنكر ان سواق الميكروباص بيقطع خط سيره على ثلاث مرات ومش بيوصل لاخر الخط؟
تقدر تنكر الاهانة اللى السواقين بيوجهوها للمواطنين؟
تقدر تنكر سؤ حالة الميكروباصات السرفيس التي لاتصلح لللاستخدام الادمي ؟
تقدر تنكر ان سواق الميكروباص بيحسس الزبون انه خدام عنده وانه متعطف عليه وشامله برحمته ومركبه؟
تقدر تنكر انك متقدرش تعترض على سواق ولو اعترضت يبقى ياويلك وسواد ليلك من قلة الادب وسب الدين والالفاظ السوقية؟
تقدر تنكر ان السواقين أجرتهم 35 قرش تديله النص جنيه يديك بريزة وبيكون معاه الشلمات؟
تقدر تنكر انك لو اديته ربع جنيه وده المفروض لانه مش بيروح لاخر الخط -يبقى نار جهنم اتفتحت عليك من السواق او التباع؟
يارجل اتقوا الله شوية فينا علشان ربنا ميسلطش عليكم بتوع المرور
انا محروق اوي منكم ومن عمايلكم
ممكن تكون انت محترم او تكون صاحب العربية مش السواق وده اكيد لان معتقدش ان الشمامين اللى بيركبوا الميكروبصات يعرفوا يعني ايه نت ومنتديات الا لو بيدخلوا على مواقع اباحية او اغاني علشان يحملوها على الام بي ثري اللى بيوجع دماغنا بيه طول السكة
واغاني ايه قلة ادب ومسخرة واننتم عارفين

#5 RAMI123456

RAMI123456

    عضو فعال

  • عضو نشط
  • PipPipPipPipPip
  • 227 posts

Posted 19 January 2010 - 02:14 PM

[center]

حسستني ان سائق السرفيس ملاك نزل من السماء
يا اخي اتق الله شوية انت بتتعامل مع ناس بتركب السرفيس كل يوم
يارجل ثلاث ارباع سواقين الميكروباص حثالة
لو قلتلك على الموافق اللى حصلتلي معاهم شعركم هيشيب منها
قلة أدب وسفالة وبلطجة ووقاحة ولو مش عاجبك انزل اركب تاكسي
السواق من دول تكون رخصته من الزراعة لنادي الشرطة يشتغل من الزراعة للبندر ومن البندر للشون ومن الشون للششتاوي (علشان الحق لما يكون في زحمة لكن لما مش يكون زحمة يحمل الزراعة ههههه) وهكذا
تقدر تنكر الكلام ده؟
تقدر تنكر ان سواق الميكروباص بيقطع خط سيره على ثلاث مرات ومش بيوصل لاخر الخط؟
تقدر تنكر الاهانة اللى السواقين بيوجهوها للمواطنين؟
تقدر تنكر سؤ حالة الميكروباصات السرفيس التي لاتصلح لللاستخدام الادمي ؟
تقدر تنكر ان سواق الميكروباص بيحسس الزبون انه خدام عنده وانه متعطف عليه وشامله برحمته ومركبه؟
تقدر تنكر انك متقدرش تعترض على سواق ولو اعترضت يبقى ياويلك وسواد ليلك من قلة الادب وسب الدين والالفاظ السوقية؟
تقدر تنكر ان السواقين أجرتهم 35 قرش تديله النص جنيه يديك بريزة وبيكون معاه الشلمات؟
تقدر تنكر انك لو اديته ربع جنيه وده المفروض لانه مش بيروح لاخر الخط -يبقى نار جهنم اتفتحت عليك من السواق او التباع؟
يارجل اتقوا الله شوية فينا علشان ربنا ميسلطش عليكم بتوع المرور
انا محروق اوي منكم ومن عمايلكم
ممكن تكون انت محترم او تكون صاحب العربية مش السواق وده اكيد لان معتقدش ان الشمامين اللى بيركبوا الميكروبصات يعرفوا يعني ايه نت ومنتديات الا لو بيدخلوا على مواقع اباحية او اغاني علشان يحملوها على الام بي ثري اللى بيوجع دماغنا بيه طول السكة
واغاني ايه قلة ادب ومسخرة واننتم عارفين


تسلم ايدك
ربنا بيسلط ناس علي ناس
بصراحه سامحني في الجملة اللي هقولها
اكتر فئتين لو ربنا صلح حالهم المحلة تبقي تمام
سواقين السيرفس والشرطة
ربنا يهديهم


#6 محلاوي فاهم

محلاوي فاهم

    عضو جديد

  • عضو
  • Pip
  • 4 posts

Posted 21 January 2010 - 05:11 AM

المشكلة ان الفئتين دول مش في المحلة فقط
الفئتين دول أسوأ فئتين على مستوى الجمهورية (إلا من رحم الله وقليل ماهم)
الشرطة دي موالها موال لو دخلنا فيه مش هنخرج الا على المعتقل ممكن
هنقول ايه ولا ايه عن التعذيب في الاقسام ولا عن المعتقلات ولا عن المحسوبية ولا عن التسلط على عباد الله
والاعلام في الافلام الايام دي بدا يتناول الموضوع ده
زي فيلم هي فوضى وغيره

#7 antaka

antaka

    عضو نشط

  • عضو نشط
  • PipPipPip
  • 113 posts

Posted 28 March 2010 - 02:09 PM

رد على الاخ محلاوى فاهم

اخى الكريم لا اعترض معك على كل ما قلتة لاكن لو فهمت كلامى لتاكدت اننى صاحب سيارة ولست سائق ولاكن اخى الكريم ما رايك عندما ذهب الى رئيس المرور لاقول الية الحل فى المهزلة التى يقوم بها السائقين قال لى نعم يا سيدى قلت له سيادتك افرض مخالفة مشددة على السائق وبذالك سوف يخاف فىتجزئت الخط واحترام الناس وكان ردة على هو السائق هى يدفع منين رغم وحق الله ان صافى اى سيارة كما هو الزيادة فى جيب التباع والسائق

#8 قائد الكتيبة

قائد الكتيبة

    عضو فعال

  • عضو شرف
  • PipPipPipPipPip
  • 460 posts
  • Gender:Male
  • Location:المـــ الكبــرى ـــحلة

Posted 20 April 2010 - 04:29 AM


ابتسم

انت مصري في مصر


Posted Image


#9 مهاجر طفشان

مهاجر طفشان

    عضو جديد

  • عضو
  • Pip
  • 1 posts

Posted 02 December 2010 - 08:30 PM

ان الله لا يغير ما بقوم حتى يغيروا ما بأنفسهم ابدا بنفسك واتغير للصح واطلب بحقك صح
الامضاء محلاوي طفش من المحلة وهاجر

#10 واحد تانى

واحد تانى

    عضو جديد

  • عضو
  • Pip
  • 8 posts

Posted 05 December 2010 - 05:33 PM

بسم الله الرحمن الرحيم
إخوتى الأعزاء ... جميع من تكلموا فى الموضوع
مشكلة سرفيس المحلة من أهم اسبابها واللى مخلى إن ملهاش حل هو أن مجموعة كبير من هذه
المكروباسات يمتلكها أكثر من واحد ممن ينتمون أصلا لإدارة المرور سواء ضباط أو موظفين أو
عساكر ، وبناء على ذلك دائما يعرقلون أى حلول لإنهاء المشكلة ... لدرجة أن أى مكروباس
تتعمله مخالفة ممكن تتشال من المرور وعلشان كده السواقين يقلوا أدبهم أو يقطعوا المسافات
أو يعملوا أى حاجه بيكونوا مطمئنين وحتى رئيس نقابة السواقين يمتلك عددا لا بأس به من
المكروباسات .... وللعلم نائب وزير الداخلية لشؤون المرور عنده علم بمشكلة سرفيس المحلة
وأرسل عدة مرات لرئيس إدارة مرور المحلة لحل المشكلة ورده يكون ( إننى ليس عندى ضباط
كفاية ) .... وليس معنى ذلك أن نقف مكتوفى الأيدى أمام هذه المشكلة التى نعانى منها كثيرا
ويعانى منها أهلنا فى هذه المدينه العظيمة والتى يعرف قدرها كل مسؤلى الدولة إبتداء من رئيس
الجمهورية ووزير الداخلية والمحافظ وغيرهم وجميعهم وأنا متأكد جدا أنهم مستعدون لحل أى
مشكله من مشاكل مدينتنا ... ولكن علينا إيصال المشكلة الخاصة بالمكروباص لهم جميعا ...
وفى المشاركة القادمة نتكلم فى كل الطرق الممكنة رحمة بالأهالى وبأصحاب المكروباسات
المظلومين من جهة رجال المرور أوالسائقين ( مثل الأخ أنتكا صاحب الموضوع
)

Edited by واحد تانى, 05 December 2010 - 05:38 PM.


#11 محمدصبحي السيد

محمدصبحي السيد

    عضو جديد

  • عضو
  • Pip
  • 11 posts
  • Gender:Male
  • Location:المحله الكبري شارع الجمهوريه
  • Interests:كلعب شطرنج وكمشاهده تنس وكرةقدم

Posted 07 December 2010 - 01:42 PM

بسم الله الرحمن الرحيم
إخوتى الأعزاء ... جميع من تكلموا فى الموضوع
مشكلة سرفيس المحلة من أهم اسبابها واللى مخلى إن ملهاش حل هو أن مجموعة كبير من هذه
المكروباسات يمتلكها أكثر من واحد ممن ينتمون أصلا لإدارة المرور سواء ضباط أو موظفين أو
عساكر ، وبناء على ذلك دائما يعرقلون أى حلول لإنهاء المشكلة ... لدرجة أن أى مكروباس
تتعمله مخالفة ممكن تتشال من المرور وعلشان كده السواقين يقلوا أدبهم أو يقطعوا المسافات
أو يعملوا أى حاجه بيكونوا مطمئنين وحتى رئيس نقابة السواقين يمتلك عددا لا بأس به من
المكروباسات .... وللعلم نائب وزير الداخلية لشؤون المرور عنده علم بمشكلة سرفيس المحلة
وأرسل عدة مرات لرئيس إدارة مرور المحلة لحل المشكلة ورده يكون ( إننى ليس عندى ضباط
كفاية ) .... وليس معنى ذلك أن نقف مكتوفى الأيدى أمام هذه المشكلة التى نعانى منها كثيرا
ويعانى منها أهلنا فى هذه المدينه العظيمة والتى يعرف قدرها كل مسؤلى الدولة إبتداء من رئيس
الجمهورية ووزير الداخلية والمحافظ وغيرهم وجميعهم وأنا متأكد جدا أنهم مستعدون لحل أى
مشكله من مشاكل مدينتنا ... ولكن علينا إيصال المشكلة الخاصة بالمكروباص لهم جميعا ...
وفى المشاركة القادمة نتكلم فى كل الطرق الممكنة رحمة بالأهالى وبأصحاب المكروباسات
المظلومين من جهة رجال المرور أوالسائقين ( مثل الأخ أنتكا صاحب الموضوع
)


بارك الله فيك
بس الموضوع دا خطير جدا والناس مطحونين ومغلوبين علي امرهم
انا واحد من الناس طهقت من المشكله دي وسبت الببلد وسافرت للخارج
السواق اقصد البيه السواق يحمل من المشحمه للبندر ومن البندر للشون ومن الشون للشعبيه
ادي الشارع الرئيسي للمحله اتقسم3 مواصلات
مابال المناطق المتفرعه مثل المعهد الديني والششتاوي وكذلك شارع الجمهوريه
لما خلوا بتوع التكاتك بقوا زي النمل ولا رقيب عليهم <_<
ودي مشكله من المشاكل الكبيره اللي موجوده بالبلد مثل ازمه الخبز وارتفاع اسعارالمواد الغذائيه
كلها بشكل عام والفساد الموجود بالبلد واخره صور تزييف الانتخابات
واليوم اقرا ان وزير التموين يعلن انه لاعوده للاسعار القديمه للمواد التموينيه مثل السكر
اللهم ولي من يصلح وحسبي الله ونعم الو
كيل

#12 antaka

antaka

    عضو نشط

  • عضو نشط
  • PipPipPip
  • 113 posts

Posted 01 April 2011 - 09:16 PM

اشكر كل من شارك وقام بالردعلى موضوعى

اخوانى لكل من رد على الموضوع

سواء بالاحترام او بالاساءة ولاكن نحن شباب متعلم فلن يرفع ظلم الا بالاتحاد بيننا سواءمنا كاصحاب سيارات او كفرد من الشعب

هل عندكماستعداد ان تضعوا يدكم بايدينا وتمنعوا عنا المخالفات الظالمة والاتاوات من العساكر وامناء الشرطة من افراد المرور
هل عندكم استعداد بان تقفوا معنا ضدد هذا الفساد
ثانيا قرار من رايس مرور المحلة اى سائق يضبط يقوم بتجزئت الخط تسحب رخصتة ويدفع مخالفة 500 جنيةحتى لا يكرر هذا الامر
ويرفعوا ايديهم عن السيارة لانها جماد الذى يحاسب من يقوم بهذا الامر القذر
وليس صاحب السيارة ما ذنبة

ثالثا نرفع دعوة الى نيابة المرور ان تحاسب كل فرد من مرور المحلة يقوم بهذة الافعال


يدينا بايديكم نغير


فمن يركب سيارتنا

هم اولااد المحلة التى نحن منهم

#13 maged8888m

maged8888m

    عضو فعال

  • عضو نشط
  • PipPipPipPipPip
  • 690 posts
  • Gender:Male
  • Location:الإسكندريه _ برج العرب القديمه

Posted 01 April 2011 - 10:31 PM

اللهم إحفظ مصر





أهلاً ومرحباً .. أهلا بمن أتانا بتحية وسلام يريد الترحيب بأحلى الكلام .. يريد أن نعلن له الأنضمام .. إلى كوكبة أعضائنـا الكرام ،،


#14 الــمـ مــحـمــد ــحــلاوى

الــمـ مــحـمــد ــحــلاوى

    عضو جديد

  • عضو
  • Pip
  • 3 posts

Posted 02 April 2012 - 03:11 AM

بصراحه انا مقدرتش اكمل قرأة انا زهقت من الكلام دا انت لو بتكتب فيلم مش هتمثل فيه اوى كدا مفيش عساكر مرور ف المحله خالص ولو فيه بيطرو يعنى مبيشغلوش دماغهم بالسواقين نهائى لا ملاكى بقا ولا ميكروباص الحاجه الوحيده اللى بتندفع هى الكارته ودا ف طلعت حرب بس وهى نص جنيه تمن زبون ف بلاش كدب بقا

#15 antaka

antaka

    عضو نشط

  • عضو نشط
  • PipPipPip
  • 113 posts

Posted 04 July 2012 - 02:31 AM

[quote name='الــمـ مــحـمــد ــحــلاوى' date='2 Apr 2012, 03:11 AM' post='456659']
بصراحه انا مقدرتش اكمل قرأة انا زهقت من الكلام دا انت لو بتكتب فيلم مش هتمثل فيه اوى كدا مفيش عساكر مرور ف المحله خالص ولو فيه بيطرو يعنى مبيشغلوش دماغهم بالسواقين نهائى لا ملاكى بقا ولا ميكروباص الحاجه الوحيده اللى بتندفع هى الكارته ودا ف طلعت حرب بس وهى نص جنيه تمن زبون ف بلاش كدب بقا
[/qموتنى



موتنى من الضحك الظاهر عليك عبيط اوى اوى اوى

مفيش عساكر بالمحلة بتو ع مرور ههههههههههههههههههههههههههههههههههههههههههههههههه
انت يبنى عايش فى الزلعة




0 user(s) are reading this topic

0 members, 0 guests, 0 anonymous users