ضع بريدك للإشتراك بالمجموعة البريدية :   ليصلك كل جديد

بسم الله الرحمن الرحيم
السلام عليكم ورحمة الله وبركاته
هذا الموضوع موجه لكل شاب و لكل فتاه في المنتدى :

عندما تسأل شاباً إنفصل عن رفيقته بعد قصة حب طويلة. لماذا لم تتزوجها؟، فيرد عليك أشهر وأغرب رد مختوم بخاتم النسر: ماأقدرش أتجوز واحدة مشيت معاها ,, وإذا طلبت منه تفصيلاً أكثر يقول: يعنى ماأقدرش أتجوز واحدة مسكت إيدها أو بوستها، ثم يعقب على كلامه بالحكمة الخالدة "الست اللى تعطى نفسها لراجل تعطى نفسها لأى راجل بعد كده".
=================================================================
لا تندهشوا فهذا رد أغلب الشباب سواء داخل المنتدى او خارجه ,,و هذا تفكير معظم الشباب الان ,, فالشباب غالبا ما يرافق فتاة ولا لكنه يتزوج باخرى و في احيان كثيرة تكون الفتاة ضحية ,, لأنها تعاملت مع الأمر ببراءة او بمعنى اصح بغباء ,, و هي هنا ضحية تفكير ورؤية محدودة للأمور ,, لأنها فضلت الحرام على الحلال ,, فضلت أن الخفاء على العلانية ,.
وفي أحيان أخرى نجد ان الشاب هو الضحية عندما تكون فتاته رفيقة لأكثر من شاب في نفس اللحظة ,, (( أرجوا المعذرة على لفظ رفيقة )) فليس هناك مرادفا أخر ,, لأن الحب يجب ان يكون رسميا من وجهة نظري ..

السؤال الأن يا شباب المنتدى : و بالعامية :

ممكن تتجوز واحدة مشيت معاها قبل كدة ؟؟؟؟

ارجوا الصراحة
و شكرا
والسلام عليكم ورحمة الله وبركاته

مش اى حد
لان فى واحد بيكلم واحدة وهو عارف انها ممكن تكلم غيرة وبيكون كلامة معها مهما قال ممكن بيكون حب مزيف
لو واحد حب واحدة بجد وحس انها بتحبة هو بس لشخصيتة مفيش مانع انة هيتجوزها لانة حبها حب صادق ومتاكد من انها مش ممكن تحب غيرة

أولا ممشيتشى ومش همشى إن شاء الله
ثانيا أنا مش ممكن اتجوز غير إنسانه زيى
لأن الله سبحانه وتعالى قال"والطيبون للطيبات والخبيثون للخبيثات"
الواد العبيط الى مشى معاها وأل مش هتجوز واحده مشيت معاها ....صدقنى كده كده هياخد واحده حد غيره مشى معاها وبنته ممكن هى الى تصاحب وتمشى مع حد
لأن الرسول صلى الله عليه وسلم قال"كما تدين تدان"
أما الشاب الذى يمشى مع بنت فهو انانى يؤثر نفسه وشهوته على حيائها وكرامتها
والبنت التى تمشى مع شاب هى أضعف من أن تأخذ لفظ مسلمة
فالمسلمة أبية لا ترضى الذل لحيائها وكرامتها
فأظن يا أستاذ إبراهيم المعادله مظبوطه جدا
"والطيبون للطيبات والخبيثون للخبيثات"

موضوع بجد حلو جدااااا
وانا مع المهاجر فى الكلام الى قاله
((الطيبون للطيبات والخبيثون للخبيثات))
وسورى انت قلت البنت ضحيه
ضحيه لايه انشاء الله
هيا الى غلطانه جدا جدا ولازم تعاقب
وده جزائها انها ردت انها تخدع اهلها وتخدع نفسها اولا
لان طبعا عمر الشاب ما يرضى يتجوز واحده مشى معاها قبل كده
وده من حقه
ولازم كل البنات تحافظ على نفسها ونصيبها هايجلها لحد عندها
ولو حبت
يبقى مفيش غير طريق واحد
انه يتقدملها ويكون تعارفهم قدام الناس كلها
شكرا ليكوا

وده رايى الشخصى

جزاك الله خير على ردك يا بشمهندس / محمد ( مهاجر ) ,, وكمان عجبني كلامك يا نور ,,
و أنا اتفق معكم في رديكم ,,
و لكن في حالة إذا كتبت لهما الهداية من عند الله ,, أقصد الولد و البنت ,, هل ممكن أن تستكمل الحياة بينهما ؟؟؟
يعني المنطق هيتغير ؟؟

بص يا هيما
مفيش بنت فى الدنيا بتعمل حاجه غصب عنها
واللى عايزه تبقى محترمه هتبقى واللى عايزه تبقى .........هتبقى
والمفروض اصلا ميكونش البنات بالسهوله دىزى مبنشوف فى الشوارع والتليفونات
البنت اللى محافظه على نفسها وسمعتها هتفضل دايما قيمتها عاليه عند الناس كلها

أ / أحمد كلامك زي الفل بس ملوش علاقة خالص بالموضوع إللي بنتكلم فيه مش ملاحظ كدة ؟

كمان صورة روبي إللي حاططها أصدق دليل على كلامك

عندك حق يا هيما
هههههههههههههههههههههههههههههه
أهو برضه روبى منغلقه جدا
يا جماعه أنا شايف لو ربنا هدى الإتنين .....بس بجد توبه نصوحه مش توبه عشان بعض....لا توبه لربنا ...فمفيش مانع إن شاء الله إنه يتقدملها .
لا ده المفروض
بس بشرط صدق النية فى التوبة أنها لله سبحانه وتعالى

أن كان عليا انا اتجوزها فى حاله واحده لو كنت واثق منها

انما لا مع السلامه لا اله الا الله مع نفسك

عاوزين آراء أكتر
الموضوع بيسخن يا جماعة .

أحمد لو كا نت البنت مغلوبة على أمرها تعمل ايه

[center]
فى الحقيقة مفمهتش يعنى إيه بنت مغلوبة على أمرها...........؟؟؟
يعنى الواد الى هيمشى معاها ممشيها غصب عنها يعنى ولا أهلا بيجبروها تمشى معاه.....مظنيش إن ده بيحصل أبدا فى الحياة...إحنا لسه بخير والحمد لله.
إنما لو القصد إن تكون مشاعرها مسيطرة عليها.
فأنا اسف يبأه نسيب للشاب الى مدمن مخدرات يشرب ونقول ده فى مشاكل وكده وغصب عنه
وفى شاب تانى زيه وفى مشاكل أكتر منه وملجأشى لحاجه تغضب ربنا
مهو الإتنين بشر ...ولكن هناك موازين توزن بين هذا وذاك
وده الى يفرق الشاب المحترم عن غير المحترم
وكذلك البنت
الى مشاعرها سيطرت عليها وخليتها تمشى مع شاب فى الشارع ولا فى الجامعه ولا يربطهم رابط شرعى..أكيد مش هفكر أتجوزها لإنى مضمنشى بعد الزواج هتعمل إيه...هى فقدت حيائها أصلا ...وفقدت الحاز الى كان فى قلبها وبيقفها إنما تعمل أى حاجه تغضب ربنا...لا الموضوع بأه عادى بالنسبه لها.
وكذلك الموضوع مع الشباب مش البنات بس
الشاب الى مشى مع بنت ولا غيره قبل الزواج
هيمشى مع عشرين بعد الزواج لإن الموضوع ده خلق جواه حب الظهور وألفة الرزيلة والمعصية
وعشان كده لو جالى شاب يلب إيد اختى وكان من النوعية دى...عمرى ما هقبله
جزيتم خيرا على الموضوع

أحلى بنت ,,, كتبتي سطر واحد ,, بس قنبلة صحصح الموضوع من جديد ,,
عموما ,, عاوز أقوللك إن الشاب و من قديم الأزل ,, مهما بلغت صياعته ,, وسوري مفيش لفظ تاني ,،، ومهما بلغت درجة إنحدار أخلاقه ,, إلا إنه لما بيفكر يتجوز بيتجوز المحترمة و المحترمة في نظره مش إللي مشي معاها ,, عشان إللي مشي معاها دي كانت مجرد واحدة بيتسلى بيها ,, و لكن المحترمة هي إللي قعدت في بيتها و صانت وعززت نفسها ,, و العريس جالها لغاية عندها ,, حتى العريس لما يحب يسال عليها الناس هتقوله خدها و إنت مغمض ,, اما التانية إللي مشيت و لفت و راحت و جت و دارت ,, لما نسال عنها هيقولولك ,, إبعد !!!! أو ,, منعرفش عنها حاجة .. متهيألي يهم كل بنت إن لما يتسئل عنها ,, الناس تشكر فيها , و في النهاية لا يصح إلا الصحيح .
وللا أنا غلطان ؟؟
السلام عليكم

الموضوع جميل اووووووووى بجد .انا كنت بس عايزة ااقول ان الحب مش حرام السيدة خديجة هي التي احبت سيدنا محمد وسعت في الزواج منة .ولكن ليس حب التسلية ان واحدة تعرف واحد عشان عندها طاقة حب وعاطفة وبس انما الحب الصحيح بمعني انة ميلمسهاش ويحافظ عليها وهية كمان تحافظ علي نفسها .فعلا لو البنت حافظت علي نفسها ومش فية حد لمسها غير جوزها .حتي لو الشخص دة سابها حيفضل طول عمرة يحترمها .ودة لو سابها بمزاجة يعني.الحب الصادق مش حرام .مش حرام.(الانسان رقيب نفسة)